無聊雜談

－清理抽屜時找到一疊2008年遊日本簽咭的單據,有幾張居然印有完整的信用卡號碼!!!大家要限小心留意耶!!!一定要用碎紙機毀滅掉!!

－唔出街就唔使用錢,但係坐得耐腰骨會痛，所以一定要每日玩wii,有得玩又有得做運動。覺得凍既時候都要玩wii(Wii Fit Plus既步操用同踏單車運動量最大),咁d暖氣就唔使開咁大，環保又慳錢。

－日間的電視很無聊。兩家免費電視台都各自播放解決家庭糾紛的現場節目。型式是：當時人被邀請到設有一、二百現場觀眾的電視台錄影廠，主持人引領當時人談及他的個人問題，與事件有關人物都會被邀請到場。今朝的一單是一個女人發現丈夫生前有外遇同私生女．．．另一單是一個女人的未婚夫跟她的妹妹私交，三個人在電視上嗌大交，重要大打出手，需要保安帶離場。點解ｄ人鍾意將家醜搬上電視唔明．．．

－簿記班終於都講到banking reconciliation,唔係淨係入invoice同supplier/customer day book reports,開始有趣d。

－街口開左開日本餐廳，德米提議今晚去試下，好野！

－最近有個青揚小學的學生在Facebook度聯絡我，話搵左我７年(!!?)，都幾攪笑但係又好可愛。呢個十年前教過的學生而家在多倫多讀書，個様同十年前一模一樣，淨係高左．．．

－昨日我將一條舊的大浴巾（已洗得好硬）剪成４份，再用衣車縫好邊緣，用來做廚房的抺手布。忽然對住４條抺手布沾沾自喜．．．

－德米過２個禮拜要出席有英國格林美之稱的Brits Award，為免失禮，上個禮拜我地已經係名牌特價店TK Maxx買左套老西，非常合身。我叫佢記住要同Alicia Keys合照（因為我係Alicia既粉絲）。

－好唔掂，因為平日好少用中文，每次打Blog都有好多中文字唔記得點寫，然後要靠拼音先搵到隻字。mimi，對唔住，我細個你教得我咁辛苦，我而家又係唔記得咁多字．．．（急尋提昇記憶力良方！）